Erdin Shaqiri: Superliga e Kosovës është e moshuar

Fotografia: Tribuna

Vëllai i Xherdan Shaqirit, Erdini, ishte i pranishëm të dielën në kryendeshjen Hysi – Prishtina.

 Ai shoqërohej nga ish-trajneri i Winterthurit të Zvicrës, Mathias Walther, i cili njëherit është edhe menaxher.

Erdini, njëkohësisht është menaxher i Xherdanit dhe disa futbollistëve tjerë në Zvicër e Gjermani, si Admir Mehmedi (Freiburg) e Gjelbrim Taipi (Will).

Një ditë më pas, Shaqiri ka komentuar ndeshjen. “Ishte lojë e mirë, kurse sa i përket cilësisë ishte OK”, tha ai për Arenën. I pyetur se cila ishte arsyeja e përcjelljes së ndeshjes, ai mohoi të ketë ardhur për ndonjë lojtar. “Kemi ardhur vetëm për të parë kualitetin e Ligës, pastaj se si është infrastruktur”, shtoi Shaqiri.

Shaqiri nuk deshi të komentojë nëse i ka pëlqyer ndonjë lojtarë, por tha se mosha e futbollistëve në këtë ndeshje është problem kryesor në Kosovë. “Ata lojtarë që pamë ishin krejt të moshuar. 90 për qind e tyre e kanë kaluar moshën që mund të punosh me ta”. /Tribuna/Telegrafi/