Shpjegojnë se këto fusha janë të lidhura me mobilitetin në mbledhjen e mbeturinave, nëse 30 % të fondeve dedikohen sërish nga buxheti i Komunës, gjë që të cilën Komuna e ka realizuar tashmë.
E, këtë donacion pritet ta marrin nga projekti “DEMOS”, ku me menaxherin e programit Norbert Pijls dhe zyrtarët e projektit që financohet nga Zyra Zvicerane për Bashkëpunim në Kosovë dhe i zbatuar nga organizata “Helvetas Swiss Intercooperation”, Teuta Jaha dhe Dardan Maliqi, u takua kreu i Komunës, Shpend Ahmeti.
Në një njoftim të Komunës thuhet se ky takim u mbajt me qëllim të konfirmimit të partneriteti midis Komunës së Prishtinës dhe projektit DEMOS.
Komuna e Prishtinës llogaritet të jetë njëra prej 17 komunave e cila do të jetë përfituese e projektit për mbështetje të komunave dhe qeverisjes lokale.
"Ky është dhe donacioni i parë që tashmë konfirmohet për vitin 2015”, tha kryetari i Prishtinës, Shpend Ahmeti, i cili ka falënderuar përfaqësuesit e projektit DEMOS për ndihmën e tyre.
Memorandum i bashkëpunimit pritet të nënshkruhet më 18 shtator 2014. /Telegrafi/
