Gazeta daneze “Jyllands Posten”, e cila ka zemëruar komunitetin mysliman duke botuar karikaturat e profetit Muhamed 10 vjet më parë, nuk do të vazhdojë të botojë karikaturat e revistës “Charlie Hebdo” për shkak të çështjeve të sigurisë, e vetmja nga gazetat e mëdha daneze që ndërmori këtë veprim.
"Kjo tregon se dhuna ka efekt," ka deklaruar gazeta në editorialin e saj këtë të premte.
Gazetat tjera të mëdha daneze ripublikuan karikaturat e së përjavshmes satirike franceze si pjesë e njoftimeve dhe mbulimit të ngjarjeve nga sulmi që vrau 12 persona në Paris të mërkurën.
Edhe gazetat e mëdha evropiane ripubkiluan këto karikatura si protestë kundër vrasjeve.
Kur gazeta daneze “Jyllands-Posten” publikoi 12 karikatura nga artiste të ndryshëm në shtatorin e 2005-ës, shumica e të cilave portretizonin profetin Muhamed, shkaktoi një vale protestash anembanë botës islame në të cilat vdiqën më së paku 50 persona.
“Ne kemi jetuar me frikën e sulmit terrorist për nëntë vjet dhe po, ky është shpjegimi pse ne nuk do të ripublikojmë karikaturat, pavarësisht nëse janë tonat apo të ‘Charlie Hebdo’-s. Ne jemi të vetëdijshëm se po përkulemi para dhunës dhe frikësimit ”, thonë në “Jyllands Posten”.
Gazeta vendosi të shtojë nivelin e sigurisë.
“Brenga për sigurinë e punëtorëve tanë është gjëja kryesore”, thuhet në editoriaalin e gazettes.(kallxo.com)
