Nis intervenimi në disa rrugë, pas gjendjes së krijuar nga shiu

Pas shiut të rrëmbyeshëm që ka përfshirë edhe komunën e Kamenicës, autoritetet komunale menjëherë kanë nisur të intervenojnë në disa pjesë të vendit.

Intervenimi në rrugët e fshatit Koretin të komunës sonë, është bërë menjëherë nga Drejtoria për Mbrojtje dhe Shpëtim e Komunës së Kamenicës.

Autoritetet komunale janë në gatishmëri për t’u vënë në shërbim të nevojave të qytetarëve pas gjendjes së krijuar nga shiu, gjendje kjo që po vazhdon edhe më tutje si pasojë e të reshurave të mëdha.