Koha.net raporton se një aksident me pasojë vdekjen ka ndodhur në orët e paradites të së shtunës në Stans, Nidwalden, të Zvicrës.
33-vjeçari me motorin e tij përplaset me një veturë, e cila po dilte nga një pompë e benzinës, njofton policia kantonale e Nidwaldenit.
Nga aksidenti mësohet se drejtuesi i motorit nuk ka mundur të mbijetojë dhe ka vdekur në vend të ngjarjes.
Nga rrjetet sociale albinfo.ch mëson se i ndjeri është me orgjinë nga Gjilani i Kosovës, ndërsa policia nuk ka bërë të ditur identitetin e viktimës, derisa njofton që po punon në zbardhjen e këtij aksidenti fatal.
(Foto Ilustrim)
