kjo qeveri do të dirigjohet nga urdhrat e Listës Srpska që diktohet nga Beogradi. Sipas tij, kjo qeveri do ta ketë të vështirë t’i shtyjë para çështjet e rëndësishme për vendin. Televizioni Rrokum ka provuar gjatë tanë ditës të marrë qëndrimin e Partisë Demokratike për këtë çështje.
Por, zyrtarët e PDK kanë hezituar të flasin para kamerës. Nënkryetari i kësaj partie, Memli Krasniqi, nuk e ka mohuar mundësinë që nëse PDK e krijon Qeverinë, këtë nuk e synon me deputetët e pakicave. Ndërsa, Ahmet Isufi, nënkryetar i Aleancës për Ardhmëninë e Kosovës, ka deklaruar se koalicioni LDK-AAK-NISMA synon qeveri të shumicës shqiptare. Përfshirja e minoriteteve në Qeverinë e vendit, është garanci e dhënë me Kushtetutën e Kosovës. Por, kjo garanci ka sjellë jo rrallë telashe. /Rrokum/
