Në sallën e Shtëpisë së Kulturës “Isa Kastrati” në Kamenicë, u mbajt diskutimi publik me qytetarë të disa lokaliteteve lidhur me Planin Zhvillimor Komunal (PZHK). Debati ishte i organizuar nga: Drejtoria e Urbanizmit dhe Planifikimit Hapësinor.
Të pranishëm ishin një numër i vogël i qytetarëve,si dhe disa kryetarë të këshillave lokale.
Të pranishmëve i'u drejtua drejtori i Drejtorisë së Urbanizmit dhe Planifikimit Hapësinor z. Ilir Kastrati dhe konsulenti Valon Gërmizaj.
Ata folën për rëndësinë e këtij plani të ri për qytetarët dhe komunën, si dhe për investimet në komunën tonë.
Plani zhvillimor dhe planifikimi hapësinor, përfshinë edhe fshatrat prandaj me rëndësi është senzibilizimi i tyre edhe zhvillimi i aktiviteteve në fshatra.
Qytetarët mund të japin kontributin e tyre duke i paraqitur interesat e tyre me kohë duke i dhënë dhe sugjerimet e tyre në mënyrë që Plani Zhvillimor Komunal të jetë sa më funksional.
Gërmizaj e quajti këtë plan edhe si “Kushtetutë e Komunës”, për 8 vitet e ardhshme.
Ky plan do të jetë në harmoni të plotë me kërkesat dhe detyrimet e Ligjit për Planifikim Hapësinor 2003/14, si dhe me Planin Hapësinor të Kosovës.
Plani Zhvillimor Komunal synon të krijojë bazat për një zhvillim të qëndrueshëm për territorin e Kamenicës.
Njofton zyra e Informimit të Komunës së Kamenicës
