Dita e Flamurit 28 Nëntori u festua me një program të pasur kulturo-argëtues, i cili ishte përgatitur nga Drejtoria për Kulturë Rini dhe Sport. Shkruan zyra komunale për informim
Strukturat komunale në krye me kryetarin e komunës Begzad Sinani bën homazhe varrezave të dëshmorëve dhe u takuan me familjarët e tyre.
Programi pastaj vazhdoi me defilimin e anëtarëve të tri shoqërive kulturore-artistike në një pjesë të qytetit: SHKA “Albana” nga Hodonoci, “Molla e Kuqe" nga Koretini dhe ansambli nga komuna e Bujanocit "Zëri i Luginës“.
Në Shtëpinë e Kulturës “Isa Kastrati” shoqëritë e lartpërmendura shfaqën një program të pasur kulturo-artistik. Programin e hapi drejtori i Drejtorisë së Kulturës , njëherazi kryetar i shoqatës së veteranëve të UÇK-së Milaim Limoni. Ai foli për historikun e kësaj feste, rëndësinë dhe lidhshmërinë e kësaj date me ditëlindjen e komandantit legjendar Adem Jashari dhe paraqitjes së UÇK -ës. Kjo është festa të cilën e festojnë të gjithë shqiptarët pavarësisht se ku jetojnë ata. Në fund të pranishmëve ua uroj festen e falmurit.
