Një shofer kamioni ka vdekur kur era e madhe ka përplasur automjetin e tij në Skoci, ndërsa një burrë tjetër ka humbur jetën pasi një dru I madh e ka zënë përfundi në Angli.
Video nga EuroNews
Viktima e tretë, një grua, ka vdekur në Danimarkë pas përplasjes nga një kamion që e kishte marrë era. Në Gjermani, limani i Hamburgut është përgatitur për një goditje të drejtpërdrejt nga dallgët e stërmëdha të përcjella me stuhi.
Ekziston droja që dallga do të jetë e fuqishme sa ajo e vitit 1962, e cila shkaktoi vdekjen e 300 personave. Stuhia me fuqi uragani ‘Xaver’ ka përfshirë Europën veriore të enjtën, duke lënë dhjetëra mijëra shtëpi pa energji elektrike. Stuhia po përcillet me erëra, shpejtësia e të cilave shkon në 228 km/h.
