Kryetari i Komunës Begzad Sinani dhe Drejtori për Bujqësi, Pylltari dhe Zhvillim Rural në Shtëpinë e Kulturës” Isa Kastrati” në mënyrë solemne shpërndanë makinat mjelëse për tetëdhjetë (80) fermer të komunës së Kamenicës
Komuna e Kamenicës ka realizuar ketë projekt për furnizimin e fermerëve me makina mjelëse për lopët qumështore. Fermerët kanë participar me mjetet e tyre në vlerë prej 25% , gjithashtu ky projekt është përkrahur nga organizata zvicërane në Kosovë Helvetas projekti "S4RE" përmes trajnimeve për përdorimin e këtyre makinave mjelëse.
Drejtori i DBPZH - së Islam Isufi ,para të pranishmëve tha: Dobia e realizimit të këtij projekti qëndron në atë se fermerëve iu mundëson lehtësim të punëve gjatë mjeljes së lopëve qumështore, higjiena e lartë e qumështit dhe prodhimeve tjera , ruajtja e shëndetit publik dhe shëndetit të kafshëve etj.
Kryetari Sinani ndër tjera tha "Unë kam vizituar të gjithë fermerët që janë në komunë tonë, po ashtu jam njoftuar për së afërmi me problemet e juaja, ne kemi bërë diçka brenda mundësive tona buxhetore, do të vazhdojmë me mbështetje për fermerët dhe ju përgëzoj për vullnetin tuaj që merreni me këtë veprimtari, me të cilën ia siguroni ekzistencën familjeve tuaja“
