Lexojeni Komunikatën origjinale (të pa edituar dhe korrektuar)
________________________________________________________________________________
KOMUNIKATË PËR MEDIA
Begzad Sinani mos e shndërro komunën në cirk
Partia Demokratike e Kosovës, nëndega në Koretin ,si nëndega më e madhe e Pdk-së në Dardanë, me shqetësim po ndjek veprimet e vazhdueshme të zotri Begzad Sinanit , i cili në vend që të merret me zgjidhjen e problemeve të qytetarëve të Dardanës për të cilin është i obliguar, gjithnjë e më shumë po i ngjan personazheve tragjikomike.
Pas shumë e shumë ankesave nga qytetaret e fshatit Koretin ,ankesa të cilat kanë të bëjnë me mosrealizimin e premtimeve të dhëna gjatë fushatës elektorale nga z.Begzad Sinani,ne jemi të detyruar të shprehim pakënaqësinë ndaj kryetarit të Komunës.
Kryetar na pate thënë se :
-Pasi ta fitoj pushtetin vetëm tri ditë pas do ta rregulloj –funksionalizojë Ujësjellësin në fshatin Koretin;
-Si të dalim në Pranverë do ta hapi një rrugë për ti punuar arat ,që kanë mbetur pa u punuar nga bujqit;
-Puna më e vogël është asfaltimi i rrugës së fshatit tek lumi ,që lidh urën e madhe me shkollën;
-Në krye të javës pas fitores sime do ta asfaltoj rrugën te lagjia e Bugaqëve;
-48 orë pas fitores sime do t’ju punësoj juve (është fjala për një numër kogja të madh,ke thënë në shumë lagje gjatë tubimeve që ke pas);
-Derën te zyra e Kryetarit do ta hapeni sa here që ju doni (tash po i përzini dhe po i bërtitni);
-Veturën –Xhipin e zi nuk do ta zën java e parë dhe do ta hjeki se si duhet kryetarit një veturë e tillë;
-Unë nuk do të kem nevojë për truproje (ndoshta truproje jo por këshilltar/e ke ma shumë se Berlluskoni);
-Ju nëndega e Koretinit vetëm ma rrumbullaksoni numrin e votave prej 650 edhe çka të kërkoni prej kryetarit keni me pas;
Këto ishin vetëm disa nga premtimet që i keni dhënë elektoratit të fshatit Koretin,për të cilat premtime edhe ne të besonim por fatkeqësishtë gabuam.
Elektoratit të besueshëm të Pdk-së në Koretin i falenderojm shumë për kontributin e dhënë në çdo moment dhe do ti jemi gjithmonë mirënjohës.
I përkujtojmë z.Sinanit, se institucionet komunale duhet të jetë serioze dhe kanë përgjegjësi e detyrë për t’iu përgjigjur kërkesave të qytetarëve për shërbime më cilësore dhe investime që i përmirësojnë jetën e tyre dhe nuk mund ti lejohet askujt që ato ti shndërroj për të shfaqur spektakle cirku, në përpjekje për të shpërfaq “shkëlqimin” apo “madhështinë” e kryetarit.
Qytetarët e Dardanës, nuk mund të lejojnë që kryetari i tyre ti turpëroj me ngjarje prej ’’hajgaregjiu’’dhe improvizime siç ishte rasti me vrasjen e derrit të egër.
PDK nëndega e Koretinit , i kërkon z. Sinanit që të ndal këto lloj të veprimeve, sepse lavdia, dhe as mandati i dytë nuk fitohen as me presione ndaj shërbyesve civil (e sidomos presionet e shtuara ndaj shërbyesve civil që janë përkrahës të Pdk-së), as me injorime ndaj qytetarëve , por me punë të ndershme dhe me vizion për zhvillim të qëndrueshëm dhe në shërbim të të gjithë qytetarëve.
Të tilla veprime, vetëm sa do ta turpërojnë atë personalisht, por edhe komunën tonë si tërësi dhe nuk mund të fshehin paaftësinë dhe dështimin në qeverisje të këtij kryetari.
Ne i besojmë degës së Pdk-së në Dardanë se ka potencial njerëzor respektivisht vullnet që në të ardhmen të përmisohen këto gabime.
Me respekt -Nëndega Pdk-së në Koretin
