Në bashkëpunimi me Drejtorin e Bujqësisë dhe Drejtorin e Zhvillimit Ekonomik dhe Diasporë, sot më datë 05.12.2016 u mbajt takimi informues me Fermerët e komunës tonë për fazën e parë për të konkurruar me projektet e tyre për grante.
Takimin e hapi Drejtori i Drejtorisë së Bujqësisë Islam Isufi , ku ndër të tjera ai tha se Komuna e Kamenicës është në mesin e katër komunave të përzgjedhura nga Agjensioni Austriak për Zhvillim – projekti RESI dhe implementuas i këtij projekti është CARE.
Qëllimi i këtij projekti është që tu ndihmoj fermerët përmes të projekteve të ndryshme, këshillave dhe grandeve për të siguruar një vetëpunësim.
Pjesëmarrësit e këtij takimi i përshëndeti dhe e përkrahu edhe kryetari i komunës Begzad Sinani, i cili e falënderoi RESI-në, ( Iniciativa për Qëndrueshmëri Ekonomike Rurale ) që pas takimeve të mbajtura më herët me këta, kishte gjetur mirëkuptim që edhe Komuna e Kamenicës të jetë e përzgjedhur, ai tha se Fermerët tanë e duan punën, prandaj edhe sot ata kanë ardhur në numër kaq të madh, vetëm ju duhet ndihma financiare fillestare për të filluar veprimtarin e tyre, mundësia më e mirë dhe më e shpejt për krijimin e vendeve të reja të punës është sektori i Bujqësisë ne do të mundësojmë bashkëpunimin me të gjithë investitorët dhe donatorët për t`iu ofruar qytetarëve mundësi të reja për punësim.
Faton Krasniqi , Menaxher i projektit RESI, tha se përvojat e mira nga komuna e Suharekës do aplikohen edhe këtu në komunën tuaj. Do të ndihmohen dhe përkrahen edhe femrat që të fuqizohen ato , si edhe grupe tjera të cilat nuk mund të plotësojnë kriteret për grande nga MBPZHR, qëllimi i këtij projekti është zvogëlimi apo zbutja e papunësisë.
Gjatë këtij takimi, u dhanë sqarime të shumta për sektorë të ndryshëm të Bujqësisë dhe mënyrat e aplikimit ku mund të konkurrojnë Fermerët, ata të cilët janë të interesuar, pastaj shumat maksimale dhe minimale, si dhe u shpjegua mënyra e plotësimit të dokumentacionit aplikues.
Partnerë kryesorë do të jetë komuna e Kamenicës dhe organizata Austriake do të zgjasë 28 muaj.
Gjatë këtij takimi fermerët u njoftuan më hollsisht për mundësit e përfitimit nga ky projekt për të gjithë sektorët e Bujqësisë me projektet e tyre. Të gjithë fermerët të cilët janë të interesuar për të aplikuar për projekte të ndryshme për grant, ata do ti kenë 3 mundësi për aplikim.
Për informata më të hollsishme gjithë fermerët mund të informohen në web faqen e projektit www.resi-ks.org , si dhe në DBPZHR në Kamenicë.
Ftojmë të gjithë të interesuarit të pregadisin projektet e tyre dhe të aplikojnë në financimin e këtyre projekteve.
