Shkruar nga : Sylejman Morina
Në seminarin tradicional të gjuhës shqipe për të huaj që mbahet në Prishtinë, sivjet ishte pjesëmarrëse arbnesha nga Zara, dr. Maksimiliana Barançiq,e cila më 26.08 2015 mbajti një ligjëratë për gjuhën
arbnishte. Ajo, kishte ardhur e shoqëruar me
burrin e saj, zotëri Barançiqin, dhe
me miqtë e familjes së tyre qiftin Jeliq
nga Spliti, inxhinierë të
ndërmarrjes “Konstruktor” nga Spliti. Për të gjithë kjo ishte hera e parë që kishin shkelur në trojet shqiptare. Nga
Zara dhe Spliti kishin udhëtar me
automjetet e tyre nëpërmjet
magjistrales së Adriatikut, Malit të Zi,
Shqipërisë dhe autostradës “Ibrahim
Rugova” për në Prishtinë. Edhe pse rruga
kishte qenë e gjatë, megjithatë ishin shumë të kënaqur me bukuritë të cilat kishin pasur rast t’i shohin.
Me të vërtetë
ishin mahnitur! Ata, shumë shpejt u
ambientuan, sikur të kishin jetuar kaherë në këtë mes. Theksuan: “Mikpritja e
ngrohtë dhe kaluam shumë bukur ,duke i
falënderuar njerëzve të mirë me të cilët
na shoqëruan e kontaktuam”. Më të kthyer në Split, përshtypjet nga Kosova filluan t’u a shpalosin miqve të tyre ,atyre
duke u treguar për mirëpritjen dhe
mikpritjen shqiptare të cilën e kishin përjetuar në Prishtinë.
Tani ishin bindur
për paragjykimet që kishin ekzistuar për
kosovarët. Inxhinierja Sanja, nuk kishte
pasur njohuri më parë për gjuhën shqipe, ajo nuk kishte ardhur enkas për seminarin, por vetëm për shoqërimin e Maksimilijanës. Mirëpo atë që e hasi ndër shqiptarët ,
si mikpritja,qasjen miqësore në çdp hap, e sidomos me ato që i kishte dëgjuar në seminar për gjuhën shqipe, befas i
lindi dëshira për ta mësuar këtë gjuhë! Sa për fillim ajo do ta mësojë duke i falënderuar prof.Dr.Maksimilianës,e pastaj më vonë nëpërmjet literaturës dhe kontakteve me miq
shqiptarë që krijuan gjatë vizitës ..
