Afaristët me prejardhje nga komuna e Kamenicës Bujar Shkodra dhe Enlirat Kallaba, të cilët njëherësh janë edhe ndër organizatorët e këtij kampi , kanë mundësuar që pesë futbollistë nga klubi futbollistik Dardana të marrin pjesë në këtë organizim sportiv, i pari i këtij lloji i një klubi të njohur Evropian siç është FC Barcelona.
Çmimi për person ka qenë 180 Euro, por pesë futbollistët e grupëmoshave të reja të përzgjedhur nga trajnerët e KF Dardana do ta kenë pjesëmarrjen pa pagesë , falë mundësisë së ofruar nga Bujar Shkodra dhe Enlirat Kallaba.
Kampi do të udhëhiqet nga trajnerët e shkollës së futbollit të klubit më të madh në botë, e quajtur FCBEscola, dhe trajnerët katalanas do të asistohen nga trajnerët vendorë.
Kryesia e klubit futbollistik K.F DARDANA e falenderon Bujarin dhe Enliratin për ndihmën e dhënë, si dhe shpresojnë që talentët tanë do të tregojnë suksese të mira me aftësitë e tyre para trajnerëve ndërkombëtarë.
